Վաղարշապատի N 12 դպրոցի թիմը՝ ՀՀ դպրոցականների շախմատի 12-րդ օլիմպիադայի հաղթող

տեղադրվել է 2018.05.08 11:50

Երևանի N 19 հանրակրթական դպրոցի թիմը գրավեց երկրորդ հորիզոնականը

Գորիսում ավարտվեց ՀՀ դպրոցականների շախմատի 12-րդ օլիմպիադան, որին մասնակցում էին նախընտրական փուլերը հաղթահարած 18 դպրոցների թիմերը՝ ՀՀ բոլոր մարզերից, Արցախի Հանրապետությունից և Ջավախքից:

Մրցաշարն անցկացվում էր հետևյալ ժամակարգով՝ 10 րոպե ամբողջ պարտիայի համար՝ 5 վայրկյայ հավելումով յուրաքանչյուր քայլի համար:

Հաղթողի կոչման և հունիսի 1-9-ը ՌԴ Սոչի քաղաքում անցկացվող հեղինակավոր «Սպիտակ նավակ» մրցաշարի մասնակցության իրավունքի համար ընթացավ համառ և անզիջում պայքար: Չեմպիոնի կոչման համար պայքարում էին Վաղարշապատի N 12 և Երևանի N 19 հանրակրթական դպրոցների թիմերը: Խաղացված 17 տուրերից հետո այս երկու թիմերը վաստակեցին 53.5-ական միավոր և կիսեցին 1-2-րդ հորիզոնականները: Լրացուցիչ ցուցանիշների հաշվարկից հետո չեմպիոն դարձավ Վաղարշապատի N 12 դպրոցի թիմը:

Վաղարշապատի N 12 դպրոցի թիմը:

Երևանի N 19 հանրակրթական դպրոցի թիմը գրավեց երկրորդ հորիզոնականը

Մրցաշարում հաջող հանդես եկավ նաև Երևանի Ուսում հանրակրթական դպրոցի թիմը, որը վաստակած 49.5 միավորով եզրափակեց լավագույն եռյակը

Փակման հանդիսավոր արարողությանը մասնակիցներին ողջունեցին և մրցաշարի հաղթողների պարգևները հանձնեցին Սյունիքի մարզպետ, Սյունիքի մարզի շախմատի ֆեդերացիայի նախագահ Վահե Հակոբյանը, Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն Սմբատ Լպուտյանը և Հայկական Բարեգործական Ընդհանուր Միության հատուկ ծրագրերի ղեկավար Ինեսսա Մարգարյանը:

Սյունիքի մարզպետ, Սյունիքի մարզի շախմատի ֆեդերացիայի նախագահ Վահե Հակոբյան

Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն Սմբատ Լպուտյան

Հայկական Բարեգործական Ընդհանուր Միության հատուկ ծրագրերի ղեկավար Ինեսսա Մարգարյան

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ