տեղադրվել է 2018.05.27 11:55
Եզրափակչի ուղեգրեր նվաճեցին նաև «Լենտեքս Գյումրի» և «ՀՇԱ» ակումբները: Ընդհանուր առմամբ մրցաշարում գերիշխում էին մարզերը ներկայացնող ակումբները:
Հայաստանի շախմատի ակադեմիայում ամփոփվեցին Հայաստանի ակումբայի առաջնության կիսաեզրափակչի արդյունքները: Մրցաշարի հաղթող դարձավ «Էջմիածին» ակումբը, որն իր ակտիվում գրանցեց 12 թիմային միավոր: Թիմի կազմում հանդես էին գալիս գրոսմայստերներ Վահե Բաղդասարյանը, Դավիթ Պետրոսյանը, ՖԻԴԵ-ի վարպետ Գրիգոր Դիլանյանը, ինչպես նաև Արթուր Ղարագյոզյանը, Արամ Սահակյանը և Գնել Մելիքյանը: Թիմի կազմում անհրաժեշտ է ընդգծել Արմավիր մարզի չեմպիոն Գրիգոր Դիլանյանի ելույթը, ով 7 հնարավորից վաստակեց նույնքան միավոր:
Երկրորդ հորիզոնականը զբաղեցրեց «Լենտեքս Գյումրի» ակումբը, իսկ Հայաստանի շախմատի ակադեմիայի առաջին թիմը եզրափակեց լավագույն եռյակը: Հենց այս երեք թիմերն էլ վաստակեցին եզրափակչի ուղեգրեր: Մրցաշարի հաղթողներին պարգևատրեց Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը:
Ընդհանուր առմամբ մրցաշարում գերիշխում էին մարզերը ներկայացնող ակումբները: