Altibox Norway Chess. աշխարհի չեմպիոն Կարլսենը հաղթեց հավակնորդ Կարուանային

տեղադրվել է 2018.05.29 10:38

Լևոն Արոնյանը ոչ-ոքի խաղաց Վիշվանաթան Անանդի հետ:

Նորվեգիայում երեկ կայացավ Altibox Norway Chess գերհզոր մրցաշարի առաջին տուրը: Մեկնարկային տուրի կենտրոնական պարտիայում միմյանց դեմ մրցում էին աշխարհի չեմպիոն, Նորվեգիայի ներկայացուցիչ Մագնուս Կարլսենը և չեմպիոնի կոչման հավակնորդ, ԱՄՆ ներկայացնող Ֆաբիանո Կարուանան: Սպիտակ խաղաքարերով հանդես եկող աշխարհի չեմպիոնը պարտիայի հենց մեկնարկից ստացավ առավելություն և հետագայում վարպետորեն իրացրեց այն: Կարուանան պարտությունն ընդունեց 77-րդ քայլում:

Անդրանիկ տուրում Լևոն Արոնյանը սև խաղաքարերով մրցում էր աշխարհի նախկին չեմպիոն Վիշվանաթան Անանդի հետ: Մեր շախմատիստը կարողացավ արագորեն հավասարեցնել դիրքը, և 31-րդ քայլում կողմերը հաշտություն կնքեցին:

Արագ ոչ-ոքիներ գրանցվեցին նաև Մամեդյարով – Վաշիե-Լագրավ և Նակամուրա – Դին Լիժէն պարտիաներում: Հաշտություն կնքվեց նաև Ուեսլի Սո – Սերգեյ Կարյակին պարտիայում:

Այսօր տեղի կունենա մրցաշարի 2-րդ տուրը:

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ