Նորություններ Subheading

  1. Գլխավոր
  2. Նորություններ
  3. Ֆաբիանո Կարուանան՝ GRENKE Chess Classic մրցաշարի հաղթող
Ֆաբիանո Կարուանան՝ GRENKE Chess Classic մրցաշարի հաղթող

տեղադրվել է 2018.04.10 01:30

iՖաբիանո Կարուանան՝ GRENKE Chess Classic մրցաշարի հաղթող

Աշխարհի չեմպիոն Կարլսենը առաջատարից հետ մնաց 1 միավորով և գրավեց 2-րդ տեղը:

Ֆաբիանո Կարուանան, հավակնորդների մրցաշարում հաղթանակից հետո,դարձավ նաև GRENKE Chess Classic 2018 մրցաշարի հաղթող:


Ավանդական լուսանկար մրցաշարի հովանավորների հետ:


Մրցաշարում առաջինն ավարտվեց Արոնյան-Բլյուբաում պարտիան: Արոնյանը պարտիան սկսեց e4 քայլով և ակնհայտորեն ավելի լավ էր պատրաստված մրցակցից, քանի որ Բլյուբաումը առաջին 15 քայլի համար ծախսեց 45 րոպե: Այնուհանդեերձ, Արոնյանը որևէ առավելություն չկարողացավ ստանալ և 41-րդ քայլին կողմերը համաձայնեցին կիսել միավորը: Արոնյանը մրցաշարում 1 հաղթանակ տոնեց և 8 պարտիա ավարտեց հաշտությամբ՝ 9 հնարավորից վաստակելով 5 միավոր, իսկ Բլյուբաումը 9 հնարավորից վաստակեց 4.5 միավոր, ինչը շատ բարձր արդյունք է պատանի շախմատիստի համար: Հաջորդը հաշտությման ավարտվեցին Յիֆան - Նայդիչ, Մեյեր - Վաշիե-Լագրավ պարտիաները:
 


Արոնյան - Բլյուբաում պարտիան

Բեմում պայքարը շարունակվում էր Անանդ - Կարլսեն և Վիտյուգով - Կարուանան պարտիաներում: Հենց այս դիմակայություններում էլ որոշվելու էր մրցաշարի հաղթողը: Կարլսենը Կարուանային զիջում էր կես միավորով և չնայած այն փաստին, որ Անանդի հետ խաղում սևերով, պարտիայի հենց սկզբից միտված էր միայն հաղթանակին: Պարտիան անցավ շատ բարձր խաղային մակարդակով և 41-րդ քայլին կողմերը հաշտություն կնքեցին: Միմյանց դեմ երկու աշխարհի չեմպիոն կոչման մրցախաղ անցկացրած Կարլսենը և Անանդը, չնայած գոհ չլինելով իրենց ընդհանուր մրցելույթներից, բակականին բարձր տրամադրություն ունեին և պատրաստակամությամբ քննարկեցին նոր ավարտված պարտիան:
 


Անանդը և Կարլսենը բարձր տրամադրություն ունեին:

Վերջինն ավարտվեց Վիտյուգով - Կարուանա պարտիան: Սևերով խաղացող Կարուանա պարտիայի հենց սկզբից ստացավ մեծ առավելություն և չնայած այն փաստին, որ ոչ-ոքիով ապահովում էր մրցաշարի հաղթողի տիտղոսը, իսկ դիրքը, չնայած Կարուանայի մեծ առավելություն, բավականին բարդ էր, ԱՄՆ ներկայացնող գրոսմայստերը ոչ-ոքի չառաջարկեց: Կարուանան խաղից հետո նշեց, ոչ իր մտքով երբեք չէր անցել ոչ-ոքի առաջարկել և նա միտված միայն հաղթանակի:


Վիտյուգովը ընդունեց պարտություն 40-րդ քայլում:


Կարուանան 9 հնարավորից վաստակեց 6.5 միավոր և դարձավ մրցաշարի միանձնյա հաղթող: Կարուանան 1 միավորով առաջ անցավ երկրորդ հորիզոնականը զբաղեցրած Մագնուս Կարլսենից: Մաքսիմ Վաշիե-Լագրավը, Նիկիտա Վիտյուգովը և Լևոն Արոնյանը վաստակեցին 5-ական միավոր և կիսեցին 3-5-րդ հորիզոնականները: Ավելի բարձր լրացուցիչ ցուցանիշների շնորհիվ Վաշիե-Լագրավը գրավեց 3-րդ հորիզոնականը:
 


Մրցաշարի հաղթող Կարուանան:


Մրցաշարի վերաբերյալ ամբողջական տեղեկատվությանը կարող եք ծանոթանալ մրցաշարի էջում:

 

Նորությունների որոնում

Որոնման կարգավորումներ