Նորություններ Subheading
տեղադրվել է 2018.04.20 10:38
Պայքարը թևակոխում է վճռորոշ փուլ. մրցաշարերի ավարտին մնացել է 3 տուր:
Հայաստանի շախմատի ակադեմիայում շարունակվում են Հայաստանի պատանեկան առաջնությունները: Բոլոր ենթախմբերում պայքարը թևակոխել է վճռորոշ փուլ:
Մինչև 10 տարեկան պատանիների ենթախմբում երեկ տեղի ունեցավ մրցաշարի կենտրոնական պարտիան, որում երկու առաջատարները՝ Ռուդոլֆ Փաշիկյանը և Դավիթ Ալեքսանյսնը մրցում էին միմյանց: Պարտիայում հաջողությունն ուղեկցեց Փաշիկյանին, ով 7 միավորով սկսեց միանձնյա գլխավորել աղյուսակը: Ալեքսանյանը 6 միավորով նահանջեց 2-րդ հորիզոնական:
Մինչև 10 տարեկան աղջիկների ենթախմբում առաջատարներն են Էլեն Միրզոյանը և Նվարդ Հայրապետյանը:
Մինչև 12 տարեկան պատանիների առաջնության առաջատար Էմին Օհանյանը պարտվեց աղյուսակը եզրափակող Կարեն Թովմասյանին և նահանջեց 3-րդ հորիզոնականը, իսկ ենթախմբում առաջատարներն են Ռոբերտ Փիլիպոսյանը և Ալեքս Սահակյանը:
Մինչև 12 տարեկան աղջիկների ենթախմբուն իրավիճակը 7-րդ տուրի համեմատ փոփոխության չի ենթարկվել՝ առաջատարն է Սեդա Բադալյանը, իսկ Անուշ Ասրյանը գտնվում է 2-րդ հորիզոնականում:
Մինչև 14 տարեկան պատանիների առաջնությունում Ռոբերտ Մուրսսյանը տոնեց հերթական հաղթանակը և ամրապնդեց առաջատարի դիրքերը: Մուրադյանը իր մոտակա մրցակիցներին գերազանցում է 1 միավորով:
Մինչև 14 տարեկան աղջիկների պայքարում աղյուսակը միանձնյա գլխավորում է Մարիամ Մկրտչյանը:
Մինչև 16 տարեկան պատանիների առաջնությունում Արթուր Դավթյանը վաստակել է 5.5 միավոր և միանգամից 1.5 միավորով առաջ անցել մոտակա հետապնդողներից:
Մինչև 16 տարեկան աղջիկների առաջնությունում առաջատարներն է Անահիտ Մկրտչյանը:
Մինչև 18 տարեկան պատանիների ենթախմբում Դավիթ Միրզոյանը և Տիգրան Սարգսյանը շարունակում են գլխավորել աղյուսակը:
Մինչև 18 տարեկան աղջիկների առաջնությունում 2-րդ հորիզոնականում ընթացող Մարիամ Ավետիսյանը հաղթեց առաջատար Արփինե Գրիգորյանին և միավորներով հավասարվեց վերջինիս:
