Նորություններ Subheading
տեղադրվել է 2018.03.27 09:42
Մրցաշարի ավարտից երկու տուր առաջ Սերգեյ Կարյակինը և Ֆաբիանո Կարուանան վաստակել են 7-ական միավոր և գլխավորում են աղյուսակը:
ավակնորդների մրցաշարում տեղի ունեցավ 12-րդ տուրը: Տուրի կենտրոսնական պարտիայում միմյանց դեմ մրցում էին 7 միավորով մրցաշարային աղյուսակը միանձնյա գլխավորող ԱՄՆ ներկայացուցիչ Ֆաբիանո Կարուանան և 6 միավորով 3-4-րդ հորիզոնականներում ընթացող Ռուսաստանը ներկայացնող Սերգեյ Կարյակինը: Խաղարկվեց ռուսական պարտիա: Սպիտակներով հանդես եկող Կարյակինը պարտիայի հենց սկզբից ստացավ մեծ առավելություն և հեշտությամբ հաղթանակ տոնեց Կարուանայի նկատմամբ: Լևոն Արոնյանը սև խաղաքարերով ոչ-ոքի խաղաց Ալեքսանդր Գրիշչուկի հետ: Հաշտությամբ ավարտվեց նաև Վլադիմիր Կրամնիկ – Ուեսլի Սո պարտիան: 12-րդ տուրում կարևոր հաղթանակ տոնեց Դին Լիժենը. նրա մրցակիցն էր 2-րդ հորիզոնականում ընթացող Շահրիյար Մամեդյարովը:
Մրցաշարի ավարտից երկու տուր առաջ Սերգեյ Կարյակինը և Ֆաբիանո Կարուանան վաստակել են 7-ական միավոր և գլխավորում են աղյուսակը: Կարյակինը այս պահին գտնվում է առաջին հորիզոնականում, քանի որ նրանց անձնական հանդիպում ավարտվել է իր հաղթանակով: Դին Լիժենը, Ալեքսանդր Գրիշչուկը և Շահրիյար Մամեդյարովը 6.5-ական միավորով կիսում են 3-5-րդ հորիզոնականները:
Վլադիմիր Կրամնիկը 5.5 միավորով 6-րդ տեղում է: Ուեսլի Սոն վաստակել է 5 միավորով և գտնվում է 7-րդ հորիզոնականում, իսկ Լևոն Արոնյանը 4 միավորով եզրափակում է աղյուսակը:
Այսօր տեղի կունենա 13-րդ տուրը:
13-րդ տուրի զույգեր
Շահրիյար Մամեդյարով – Ալեքսանդր Գրիշչուկ
Դին Լիժեն – Վլադիմիր Կրամնիկ
Ուեսլի Սո – Սերգեյ Կարյակին
Ֆաբիանո Կարուանա – Լևոն Արոնյան
