Նորություններ Subheading

  1. Գլխավոր
  2. Նորություններ
  3. Զավեն Անդրիասյանը «Աէրոֆլոտ Օփեն»-ի բլից մրցաշարում Հիկարու Նակամուրայի հետ կիսեց 2-3-րդ հորիզոնականները
Զավեն Անդրիասյանը «Աէրոֆլոտ Օփեն»-ի բլից մրցաշարում Հիկարու Նակամուրայի հետ կիսեց 2-3-րդ հորիզոնականները

տեղադրվել է 2018.03.25 03:41

iԶավեն Անդրիասյանը «Աէրոֆլոտ Օփեն»-ի բլից մրցաշարում Հիկարու Նակամուրայի հետ կիսեց 2-3-րդ հորիզոնականները

Մրցաշարի հաղթող դարձավ Յան Նեպոմնյաշչին:

«Աէրոֆլոտ Օփեն»-ի դասական շախմատի մրցաշարի ավարտից հետո Մոսկվայում այսօր տեղի ունեցավ նաև կայծակնային շախմատի մրցաշար, որը հավաքել էր հզոր կազմ՝  մասնակիցների թվում էին աշխարհի առաջատար շախմատիստներից Սերգեյ Կարյակինը, Հիկարու Նակամուրան, Շահրիյար Մամեդյարովը, Բորիս Գելֆանդը, Յան Նեպոմնյաշչին, Վլադիմիր Ֆեդոսեևը, Դմիտրի Անդրեյկինը և «Աէրոֆլոտ Օփեն»-ի  A և B մրցաշարերի գրեթե բոլոր մասնակիցները: Ընդհանուր առմամբ մրցաշարին մասնակցում էին 210 շախմատիստ, այդ թվում 83 գրոսմայստեր: Մրցաշարում Հայաստանը ներկայացնում էին 13 շախմատիստ՝ Գաբրիել Սարգսյանը, Տիգրան Լ. Պետրոսյանը, Զավեն Անդրիասյանը, Հայկ Մարտիրոսյանը, Մանուէլ Պետրոսյանը, Տիգրան Հարությունյանը, Հովիկ Հայրապետյանը, Արամ Հակոբյանը, Շանթ Սարգսյանը, Արման Միքայելյանը, Վահե Բաղդասարյանը, Դավիթ Միրզոյանը և Հովհաննես Հակոբյանը:
Մրցաշարն անցկացվում էր հետևյալ ժամակարգով՝ 3 րոպե + 2 վայրկյան հավելումով յուրաքանչյուր քայլի համար՝ 9 կրկնակի խաղափուլերով: Ընդհանուր առմամբ մասնակիցները խաղացին 18 պարտիա:
18 հնարավորից վաստակելով 15 միավոր՝ մրցաշարի միանձնյա հաղթող դարձավ Յան Նեպոմնյաշչին: Մեր մասնակիցներից մրցաշարում հաջող հանդես եկավ գրոսմայստեր Զավեն Անդրիասյանը: Անդրիասյանը վաստակեց 14 միավոր և Հիկարու Նակամուրայի հետ կիիսեց 2-3-րդ հորիզոնականները: Մրցաշարում Անդրիասյանի և Նակամուրայի բոլոր լրացուցիչ ցուցանիշները հավասար էին:
Եզրափակիչ աղյուսակ

Նորությունների որոնում

Որոնման կարգավորումներ