Նորություններ Subheading
տեղադրվել է 2018.12.24 02:03
ՖԻԴԵ-ի նախագահության մոտակա նիստում Տիգրանին կշնորհվի բարձրագույն տիտղոսը: Հայաստանի շախմատի ֆեդերացիան ջերմորեն շնորհավորում է Տիգրան Հարությունյանին և նրա մարզիչ Արման Փաշիկյանին՝ ցանկանալով նորանոր հաղթանակներ:
Իսպանիայում ավարտվեց Սիտջես հեղինակավոր մրցաշար, որին մասնակցում էին 41 երկրների 183 շախմատիստ: Մրցաշարի մասնակիցների թվում են հանրահայտ գրոսմայստերներ Վասիլի Իվանչուկը, Դմիտրի Անդրեյկինը, Էռեստո Ինարկիևը, Կրիշնան Սաշիկիրանը և մի շարք այլ գրոսմայստերներ: Մրցաշարում գրանցվեց մեծ անակնկալ. հաղթողի տիտղոսը նվաճեց Իսպանիան ներկայացնող գրոսմայստեր Ալոնսո Ռոսել Ալվարը, ով իր գործակցով մրցաշարում միայն 27-րդն էր: Ռոսելը 10 հնարավորից վաստակեց 8 միավոր և կես միավորով առաջ անցավ 2-8-րդ հորիզոնականները զբաղեցրած շախմատիստներից, որոնց թվում էին ֆավորիտներ Վասիլի Իվանչուկը, Դմիտրի Անդրեյկինը, Էռեստո Ինարկիևը, Կրիշնան Սաշիկիրանը:
Մրցաշարում լավ մեկնարկ ունեցած և մինչև նախավերջին տուրը առաջատարների խմբում ընթացող Մանուէլ Պետրոսյանը և Տիգրան Հարությունյանը ձախողեցին մրցաշարի վերջնամսը: Մանուէլ Պետրոսյանը 9-րդ տուրում, ունենալով մեծ առավելություն Վասիլի Իվանչուկի հետ պարտիայում հաջողացրեց պարտվել, որից հետո պարտվեց նաև 10-րդ տուրում և 6.5 միավորով գրավեց 15-րդ հորիզոնականը:
Տիգրան Հարությունյանը պարտվեց վերջին տուրում և 6.5 միավորով գրավեց 17-րդ հորիզոնականը: Հարությունյանի համար սփոփիչ է միայն այն փաստը, որ մրցաշարի արդյուքներով նա 3-րդ անգամ լրացրեց գրոսմայստերի նորմա և ՖԻԴԵ-ի նախագահության մոտակա նիստում նրան կշնորհվի գրոսմայստերի տիտղոսը:
Հայաստանի շախմատի ֆեդերացիան ջերմորեն շնորհավորում է Տիգրան Հարությունյանին և նրա մարզիչ Արման Փաշիկյանին՝ ցանկանալով նորանոր հաղթանակներ:
