Նորություններ Subheading
տեղադրվել է 2018.12.19 11:30
Առաջնությունները տեղի կունենան դեկտեմբերի 25-31-ը, Սանկտ-Պետերբուրգ քաղաքում:
Դեկտեմբերի 25-31-ը Ռուսաստանի Սանկտ-Պետերբուրգ քաղաքում տեղի կունենան արագ և կայծակնային շախմատի տղամարդկանց և կանանց աշխարհի առաջնությունները: Տղամարդկանց մրցաշարին մասնակցելու համար արդեն հայտավորվել են մասնակցելու 38 երկրների 190 շախմատիստ: Մրցաշարը հավաքել է բացառիկ ուժեղ կազմ: 190 մասնակիցներից 139 կրում են գրոսմայստերի տիտղոս: Առաջնությանը մասնակցելու է աշխարհի չեմպիոն Մագնուս Կարլսենը, աշխարհի գավաթակիր Լևոն Արոնյանը, աշխարհի նախկին չեմպիոն Վիշվանաթան Անանդը լավագույն 20 շախմատիստների ցանկում ընդգրկված գրեթե բոլոր շախմատիստները: Բացի Արոնյանից մրցաշարում Հայաստանը կներկայացնեն գրոսմայստերներ Վլադիմիր Հակոբյանը, Գաբրիել Սարգսյանը, Հրանտ Մելքումյանը, Տիգրան Լ. Պետրոսյանը, Ռոբերտ Հովհաննիսյանը և Արամ Հակոբյանը:
Մեկնարկային կազմ
Կանանց մրցաշարի մասնակցելու համար այս պահին հայտավորվել են 22 երկրների 115 շախմատիստուհի: Այստեղ ևս մրցաշարին մասնակցում են գրեթե բոլոր ուժեղագույն շախմատիստուհիները՝ աշխարհի չեմպիոն Ցզյու Վենցզյունի գլխավորությամբ:
Մրցաշարում Հայաստանը կներկայացնեն գրոսմայստեր Էլինա Դանիելյանը, միջազգային վարպետ Լիլիթ Մկրտրյանը և կանանց միջազգային վարպետ Մարիա Գևորգյանը:
Մեկնարկային կազմ
