Նորություններ Subheading
տեղադրվել է 2018.11.15 09:59
Նույն մրցաշարի արագ շախմատի պայքարում Արոնյանը ևս 3-րդ հորիզոնականն էր զբաղեցրել:
Կալկաթայում ավարտվեց Tata Steel India շախմատային փառատոնը, որի շրջանակներում անցկացվում էին արագ և կայծականային շախմատի մրցաշարեր: Արագ շախմատի մրցաշարին մասնակցում էինն 10 շախմատիստ՝ Լևոն Արոնյանը, աշխարհի նախկին չեմպիոն Վիշվանաթան Անանդը, Ռուսատանը ներկայացնող գրոսմայստեր Սերգեյ Կարյակինը, ԱՄՆ ներկայացուցիչներ Ուեսլի Սոն և Հիկարու Նակամուրան, ադրբեջանցի գրոսմայստեր Շահրիյար Մամեդյարովը և 4 շախմատիստ հնդկաստանից՝ գրոսմայստերներ Պենտալա Հարիկրիշնան, Վիդիթ Գուջրաթին, Սուրյա Գանգուլին և պատանի միջազգային վարպետ Նիհալ Սարինը: Կայծակնային մրցաշարում Նիհալ Սարինին փոխարինեց մեկ այլ պատանի հնդիկ շախմատիստ՝ 13-ամյա գրոսմայտեր Ռամեշբաբու Պրագնանդհան:
6 միավորով արագ շախմատի մրցաշարի հաղթող դարձավ Հիկարու Նակամուրան: Լևոն Արոնյանը և Պենտալա Հարիկրիշնան 5.5-ական միավորով հետ կիսեցին 2-3-րդ տեղերը, իսկ լրացուցիչ ցուցանիշների հաշվարկից հետո Արոնյանը հայտնվեց 3-րդ տեղում:
Արագ շախմատի մրցաշարում Վիշվանաթան Անանդը և Հիկարու Նակամուրան վաստակեցին 12.5-ական միավոր և կիսեցին 1-2-րդ հորիզոնականները: Հաղթողին որոշելու համար նշանակվեց թայ-բրեյք, որում ի ուրախություն տեղացի երկրպագուների, ուժեղ գտնվեց Վիշվանաթան Անանդը: Լևոն Արոնյանը հաղթողներից հետ մնաց կես միավորով և գրավեց 3-րդ հորիզոնականը:
