Նորություններ Subheading

  1. Գլխավոր
  2. Նորություններ
  3. Իսպանիայում շարունակվում է աշխարհի մինչև 8, 10 և 12 տարեկանների առաջնությունը
Իսպանիայում շարունակվում է աշխարհի մինչև 8, 10 և 12 տարեկանների առաջնությունը

տեղադրվել է 2018.11.11 10:05

iԻսպանիայում շարունակվում է աշխարհի մինչև 8, 10 և 12 տարեկանների առաջնությունը

Մրցաշարում կայացել է 6 տուր:

Իսպանիայի Սանտիագո դե Կոմպոստելա քաղաքում շարունակվում է աշխարհի մինչև 8, 10 և 12 տարեկանների առաջնությունը: Մրցաշարերում արդեն կայացել են նախատեսված 11 տուրերից 6-ը:

Մինչև 8 տարեկան աղջիկների պայքարում Հայաստանը ներկայացնող Սոնա Կրկյաշարյանը վաստակել է 3 միավոր, իսկ աղյուսակ 6 միավորով գլխավորում է Վրաստանի ներկայացուցիչ Մգելաձե Կեսարիան:

Մինչև 10 տարեկան աղջիկների ենթախմբի Հայաստանի ներկայացուցիչ Էլեն Միրզոյանը ևս իր ակտիվում գրանցել է 3 միավոր: Այս ենթախմբում աղյուսակ 6 միավորով գլխավորում է Չինաստանը ներկայացնող Ժոու Յաֆեյը:

Մինչև 10 տարեկան տղաների առաջնությունում Ռուդոլֆ Փաշիկյանը վաստակել է 4, իսկ Վլադիմիր Շահինյանը և Դավիթ Ալեքսանյանը՝ 3-ական միավոր: Այստեղ աղյուսակը 5.5-ական միավորով գլխավորում են Ռուսաստանի ներկայացուցիչ Մաքսիմ Վոլկովը և Չինաստանը ներկայացնող Լի Յիհաոն:

Մինչև 12 տարեկան աղջիկների մրցաշարում հանդես եկող Սեդա Բադալյանը վաստակել է 2.5 միավոր: Այս ենթախմբում աղյուսակը գլխավորում Հնդկաստանի ներկայացուցիչ Շրի Սավիթհան:

Մինչև 12 տարեկան տղաների առաջնությունում Ալեքս Սահակյանը վաստակել է 4, իսկ Էմին Օհանյանը և Միքայել Ռոստոմյանը՝ 3-ական միավոր: Այստեղ աղյուսակը 6 միավորով գլխավորում Հնդկաստանի ներկայացուցիչ Ղուկեշը:

Նորությունների որոնում

Որոնման կարգավորումներ