Նորություններ Subheading
տեղադրվել է 2018.03.24 12:11
Հաղթանակի շնորհիվ Մարտիրոսյանն ընդգրկվեծ Հայաստանի տղամարդկանց հավաքականի կազմում:
Տիգրան Պետրոսյանի անվան շախմատի տանը կայացավ շախմատի Հայաստանի առաջնության վերջին տուրը: Հայաստանի չեմպիոնը տիտղոսը որոշվում էր Հայկ Մարտիրոսյան – Ռոբերտ Հովհաննիսյան պարտիայում: Մարտիրոսյանը խաղում էր սպիտակ խաղաքարերով և չեմպիոնի տիտղոսը նվաճելու համար նրան բավարար էր ոչ-ոքի արդյունքը, իսկ Հայաստանի չեմպիոն դառնալու համար Հովհաննիսյանին անհրաժեշտ էր միայն հաղթանակ: Լարված ընթացք ունեցած պարտիայում սպիտակներով խաղացող Մարտիրոսյանը գործեց շատ վստահ և ուժի դիրքերից կողմերը համաձայնվեցին ոչ-ոքի արդյունքի: Այսպիսով Մարտիրոսյանը հռչակվեց Հայաստանի 2018 թվականի չեմպիոն և նվաճեց Հայաստանի հավաքականի ուղեգիր: 6.5 միավոր վաստակած Հովհաննիսյանն արժանացավ արծաթե պարգևի:
Տուրի մյուս պարտիաներում Արման Փաշիկյանը ոչ-ոքի խաղաց Տիգրան Լ. Պետրոսյանի հետ և նվաճեց բրոնզե մեդալ: Զավեն Անդրիասյանը հաշտություն կնքեց Տիգրան Հարությունյանի հետ: Ոչ-ոքի արդյունք գրանցվեց նաև Կարեն Գրիգորյան – Հովհաննես Գաբուզյան պարտիայում, իսկ Շանթ Սարգսյանը առավելության հասավ Սամվել Տեր-Սահակյանի նկատմամբ:
