Նորություններ Subheading
տեղադրվել է 2023.07.06 12:00
«Batumi Municipality Cup-2023»
Հուլիսի 2-ից 10-ը Վրաստանի Բաթումի քաղաքում տեղի է ունենում «Batumi Municipality Cup-2023» շախմատի միջազգային մրցաշարը:
Հայաստանից մրցաշարին մասնակցում են 43 շախմատիստներ:
4 խաղափուլից հետո «A» խմբում միանձնյա առաջատարն է Էրիկ Հակոբյանը, ով վաստակել է 3.5 միավոր։ Այսօր Էրիկը ոչ-ոքի արդյունքով ավարտեց իր խաղը մրցաշարի ամենաբարձր վարկանիշ ունեցող միջազգային գրոսմայստեր Գիգա Կուպարաձեի հետ:
«A» խմբում առաջատարների շարքում են նաև 3 միավոր վաստակած Սարգիս Մանուկյանը և Հայկ Երիցյանը։
«B» խմբում առաջատարների շարքում է Էդգար Հայրապետյանը, ով վաստակել է 3.5 միավոր:
«C» խմբում առաջատարների շարքում է 10-ամյա Գոռ Դաբաղյանը, ով վաստակել է 3.5 միավոր:
Մինչև 12 տարեկան պատանիների մրցաշարում նույնպես ունենք առաջատար. Մարկ Գևորգյանն է, ով հաղթել է բոլոր 4 խաղերում:
Հաջողություն ենք մաղթում մեր շախմատիստներին մնացած խաղերում:
