Նորություններ Subheading
տեղադրվել է 2020.02.18 10:09
Խմբային փուլում հայկական թիմը 7 մրցախաղում տոնել է 7 հաղթանակ:
Ավարտվեց Pro Chess League ակումբային մրցաշարի խմբային փուլը։ 24 թիմեր, ըստ աշխարհագրական դիրքի, բաժանված էին 3 դիվիզիոնների՝ Արևմտյան, Արևելյան և Կենտրոնական։ 2018 թվականի Pro Chess League մրցաշարի հաղթող «Հայկական արծիվներ» ակումբն ընդգրված էր Արևելյան դիվիզիոնում, որտեղ նրա մրցակիցների թվում էին Չինաստանի, Ռուսաստանի և Հնդկաստանի ուժեղ հավաքականները։ Նշենք, որ չինական թիմի կազմում հանդես էր գալիս հավակնորդների մրցաշարի մասնակից Դին Լիժենը, Ռուսաստանի ակումբում՝ հավակնորդների մրցաշարի մեկ այլ մասնակից՝ Յան Նեպոմնյաշչին, իսկ հնդկական ակումբը համալրել էր Ադրբեջանի ուժեղագույն շախմատիստ Շահրիյար Մամեդյարովով։
Երեկ տեղի ունեցած վերջին՝ 7-րդ տուրում «Հայկական արծիվներ»-ի մրցակիցն էր Հնդկաստանի ակումբը։ Խմբում առաջին հորիզոնականը գրավելու համար մեր թիմին բավարար էր նույնիսկ ոչ շատ խոշոր հաշվով պարտությունը, սակայն մեր ակումբը տոնեց հերթական հաղթանակը։
Ավելացնենք, որ հնդկական թիմի կազմում հանդես եկող Մամեդյարովը 4 հնարավորից վաստակեց միայն 1 միավոր։
Վաստակած 144 միավորով «Հայկական արծիվներ»-ը դարձան Pro Chess League արևելյան դիվիզիոնի հաղթող և նվաճեցին փլեյ-օֆֆի ուղեգիր։
