Ասյօր մեկնարկում է կանանց աշխարհի թիմային առաջնությունը

տեղադրվել է 2019.03.05 10:43

Մեկնարկային տուրում մեր մրցակիցն է լինելու Եգիպտոսի հավաքականը

Երեկ Աստանայում տեղի ունեցան աշխարհի կանանց և տղամարդկանց թիմային առաջնությունների բացման արարողությունները: Բացման արարողության ընթացքում կայացավ նաև վիճակահանությունը:
Հայաստանի կանանց հավաքականը հանդես կգա առաջին համարի ներքո:
Մրցաշարերին մասնակցում են շախմատի համաշխարհային Օլիմպիադայում և մայրցամաքային առաջնություններում բարձր արդյունքներ գրանցած թիմերը:

Աշխարհի կանանց առաջնությունում ելույթ ունենալու հրավեր մեր թիմը ստացել է 2018 թվականին կայացած շախմատի համաշխարհային Օլիմպիադայում բարձր արդյունք գրանցելու շնորհիվ: Կանանց պայքարում հանդես կգան Ռուսաստանի, Չինաստանի, Ուկրաինայի, Վրաստանի, ԱՄՆ-ի, Հունգարիայի, Եգիպտոսի, Ղազախստանի եւ Հնդկաստանի թիմերը:

Հայաստանի հավաքականը մրցաշարում հանդես է գալիս հետևյալ կազմով՝ Էլինա Դանիելյան, Լիլիթ Մկրտչյան, Աննա Սարգսյան, Մարիա Գևորգյան, Սիրանուշ Ղուկասյան, մարզիչ՝ Զավեն Անդրիասյան:
Աստանայում կայանալիք աշխարհի առաջնությանը մասնակցում են նաև այլ երկրները ներկայացնող մեր հայրենակիցները: Մասնավորապես Տաթև Աբրահամյանը գլխավորում է ԱՄՆ-ի կանանց հավաքականը, իսկ Սամուել Սևյանը հանդես է գալու ԱՄՆ տղամարդկանց թիմի կազմում երկրորդ խաղատախտակի առջև:

Նշենք նաև, որ ԱՄՆ կանանց հավաքականի գլխավոր մարզիչն է Մելիքսեթ Խաչիյանը, իսկ Արման Փաշիկյանը հանդիսանում է Ղազախստանի կանանց հավաքականի գլխավոր մարզիչը:

Այսօր կայանալիք մեկնարկային տուրում Հայաստանի կանանց հավաքականի մրցակիցն է լինելու Եգիպտոսի ընտրանին:

Վիճակահանություն

Նորությունների որոնում

Որոնման կարգավորումներ

select Նորություններ Հայաստանից

select Նորություններ արտերկրից

select Ներկայիս տարին

select Նախորդ տարին

Նորություններ Subheading

Նորությունների որոնում

Որոնման կարգավորումներ