Տեղադրվել է 2022.12.19 10:04
Անդրանիկ Մարգարյանի 13-րդ հուշամրցաշար
Սիրելի՜ շախմատիստներ, սիրով տեղեկացնում ենք Ձեզ, որ հունվարի 8-ից մինչև 16-ը Հայաստանի շախմատի ակադեմիան կազմակերպում է Անդրանիկ Մարգարյանի 13-րդ հուշամրցաշարը:
Հուշամրցաշարը կանցկացվի տարբեր տարիքային խմբերով, շվեյցարական մրցակարգով:
Մրցաշարերում իրավունք ունեն մասնակցելու այն շախմատիստները, ովքեր ունեն.
Ա1 մրցաշար` ազգային վարկանիշ (աղջիկներ և մարզերից մասնակիցներ` առնվազն I կարգ)
Ա2 մրցաշար` առնվազն I կարգ
Ա3 մրցաշար` առնվազն II կարգ
Ա4 մրցաշար` առնվազն III կարգ (մարզերի համար՝ IV կարգ)
Ա5 մրցաշար` առնվազն IV կարգ (մարզերի համար՝ IV կարգի 1 բալ)
Բ մրցաշար` 2011թ․՝ առնվազն II կարգ, 2012թ․՝ առնվազն III կարգ, 2013թ․՝ առնվազն IV կարգ, 2014-2015թթ․՝ առնվազն IV կարգի 1 բալ (մարզերի համար՝ 2013թ․՝ առնվազն IV կարգի 1 բալ)
Ա1 և Ա2 մրցաշարերում կհաշվարկվի ազգային և միջազգային (ՖԻԴԵ) վարկանիշ: Ա1 և Ա2 մրցաշարերի մասնակիցները պարտադիր պետք է ունենան ՖԻԴԵ-ի նույնականացման համար /FIDE ID/, իսկ չունենալու դեպքում նախապես դիմեն Հայաստանի շախմատի ֆեդերացիա /հեռ․ 010-570758/ մինչև դեկտեմբերի 20-ը: